طخ طاخ طيخ حياكم الله على كشتتنا اقصد غدانا ..

السلام عليكم ورحمة الله وبركاته

مساااااء الخير ان شاء الله تكونون با افضل حال ,,

اليوم حبيت اكشت للبر بس بدوووون سيااااره ولا تحميل وتنزيل

قلت يا بنت وش رايتس تسوين الغداء بري وانتي وشطارتس

منها تتدربين على الكشتات ومنها تطلعين من موود الغداء المعتاد وفعلا

ما قلت الا سويت ..

تفضلو على غدانا اليوم اكلات بريه وتنفع لا اهل الكشتات بس بلمسات روووح الفانيلا ..

منظر عام للسفره

شيخ السفره واللي عليه الكلااااااااااااااااااااام

مدفوووون اللحم با القصدير

طبعا في البر يكون وسط حفره ويحط فيها جمر او سمر وهو الاحلا ومن فوقه الجمر وما ياخذ وقت

تقريبا ربع ساعه ويرجع لجودة اللحم ..

انا اليوم سويته في البيت وعلى المنقد وصورت لكم الخطوات با التفصيل

تقدرين تسوينه في الفرن واذا استوى تبخرينه با الفحم والزيت ..

لحم ودجاج مبهر دووون ملح

خضره أي نوع تحبينه با استثناء الطماط تقطعينها حلقات سميكه

انا حطيت بطاطس وقرع اصفر وبذنجان وبصل وثوم فصوص

وملح وفلفل اسود على جنب

وقصدير

ناخذ ثلاث طبقات من القصدير ونحطها فوق بعض

نصف الخضره على القصدير ونرشها شوية ملح وفلفل اسود

ونحط اللحم والدجاج طبعا تقدرين تخليه لحم لحاله او دجاج لحاله او الاثنين

ونرش شوية ملح بس

ونحط ثلاث طبقات من القصدير على اللحم والخضر ونحكم اغلاقها

ناخذ النقد ونحط فيه طبقة رمل عشان تضج الحراره ونحط الجمر ونولعه

اذا ولع نحط القصدير بما حواء

ونحط الجمر فوق القصدير مباشره

ونتركه لمدة ساعه بس انا خليته اكثر واحترق شوي من فووووق

بعدها نرفع الجمر من على السطح با شويش ونفتح القصدير طبقه طبقه ونكون حذرين

لان الدخان محشووور داخل

وبــــــــس شفتووا كيف مافيه اسهل منه ..

كبسه بريه ولا احلا منها

المقادير

بصل وطماط وفلفل بارد

كزبره وبقدونس وراس ثووم وفلفل حار

ماجي وبهارات صحيحه وصلصل طماط

وملح وفلفل اسود

نكشن البصل ونضيف البهارات الصحيحه و الفلفل البارد والطماط

والماجي ونظبط الملح والصلصل ونتركها تطبخ على النار

ثم نضيف الرز واذا جف وجه الرز نحط راس الثوم في النص ونحشره والفلفل والكزبره والبقدونس

وبــــــس

ايدام با ميه

نكشن بصل وثم طماط وبهارات وملح

وصلصل ونزيد المرق ونحط الباميا

وما ننسى على السفره اللبن والرطب والشطه والسلطه الخضراء

والفواكه اذا ما قدمتها مقطعه مستحيل ياكلونها وعموما هي في بيتنا للزينه

والا ما يتحرك من السله شي

وتم بحمد الله هااااه وش رايكم طلعنا للبر والا ماطلعنا وعلى فكره حطيت زولية الكشتات هههههههههههه

ان شاء الله تكونون استمتعتوا بطلعتنا اقصد بغدانا لكم مني اجمل تحيه
.منقول.

هم هم هم

مانشبع من هذة الاكلات

يعطيكي الف عافية